Májilistiń jalpy otyrysynda depýtat Nurlybek Ojaev ant berdi
NUR-SULTAN. QazAqparat – Búgin Parlament Májilisiniń jalpy otyrysynda depýtat Nurlybek Ojaev ant berdi, dep habarlaıdy QazAqparat tilshisi.
Májilis tóraǵasy Nurlan Nyǵmatýlın ótken sessııanyń sońynda Nurlybek Ojaev Ortalyq saılaý komıssııasynyń qaýlysymen Májilis depýtaty retinde tirkelgenin eske saldy. Endi Konstıtýtsııaǵa sáıkes Parlament depýtaty Qazaqstan halqyna ant beredi.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetin adal atqarýǵa ant etemin», - dedi Nurlybek Ojaev.
Jalpy otyrysynda palata depýtattary N. Ojaevty Májilistiń Agrarlyq máseleler komıtetiniń quramyna saılady.
