Májilistiń jalpy otyrysynda depýtat Q. Beısenovtyń ókilettiligin merziminen buryn toqtatý týraly sheshim qabyldandy

Atap aıtqanda, QR Ortalyq saılaý komıssııasy respýblıka Konstıtýttsııasynyń 52-babyna, QR Parlamenti jáne onyń depýtattarynyń mártebesi týraly Konstıtýtsııalyq zańynyń 24-babynyń 2,3 jáne 8 tarmaqtaryna sáıkes, sondaı-aq QR Bilim jáne ǵylym mınıstrliginiń Qorqyt Ata atyndaǵy Qyzylorda memlekettik ýnıversıteti respýblıkalyq memlekettik qazynalyq kásipornynyń rektory laýazymyna taǵaıyndalýyna baılanysty Parlament Májilisiniń depýtaty Q. Beısenovtyń ókilettiligin merziminen buryn toqtatý týraly usynys engizdi.

Óz kezeginde Parlament depýtattary atalǵan sheshimdi qabyldady. «Q. Beısenov Májiliste 4 jyl qyzmet etti. Bilikti, bilimdi, ustanymdy depýtattardyń biri. Bizdiń qatarymyzda qajyrly eńbek etkeni úshin alǵysymyzdy bildiremiz»,-dedi Parlament Májilisiniń Tóraǵasy Oral Muhamedjanov.