Májilistiń jalpy otyrysynda birqatar zań jobalary talqyǵa túsedi
ASTANA. 21 aqpan. QazAqparat - Erteń, 22 aqpan kúni QR Parlamenti Májilisiniń jalpy otyrysynda Ádilet, Qorǵanys mınıstrlikteriniń jáne Ulttyq qaýipsizdik komıtetiniń ókilderi birqatar zań jobalary boıynsha baıandama jasaıdy dep kútiledi.
Atap aıtqanda, parlamenttik minberden depýtattar aldynda Ádilet mınıstri Berik Imashevtiń, Ádilet vıtse-mınıstri Dýlat Qusdáýletovtiń, Qorǵanys mınıstriniń orynbasary Talǵat Janjúmenovtiń, UQK Tóraǵasynyń orynbasary Ǵusman Ámrınniń sóz sóıleýleri josparlanǵan. Sonymen qatar, zań jobalary boıynsha qosymsha baıandamalardy depýtat Úsengeldi Medeýov, Qabıbolla Jaqypov, Abaı Tasbolatov pen Janat Jarasovtar jasaıtyny belgilengen. Bul týraly Májilistiń baspasóz qyzmetinen habarlandy.
Halyqaralyq ister, qorǵanys jáne qaýipsizdik komıtetiniń usynýymen birqatar zań jobalary depýtattardyń talqysyna shyǵarylatyn boldy. Atap aıtqanda, «Ujymdyq qaýipsizdik týraly shart uıymyna múshe memleketterdiń áskerı maqsattaǵy ónimderdi ázirleý, óndirý, paıdalaný, jóndeý, jańartý, paıdalaný merzimin uzartý jáne kádege jaratý salasyndaǵy yntymaqtastyǵy týraly kelisimdi ratıfıkatsııalaý týraly», «Ujymdyq qaýipsizdik týraly shart uıymynyń ujymdyq qaýipsizdik júıesi kúshteri men quraldarynyń qarý-jaraǵy men áskerı tehnıkasynyń tehnıkalyq jáne aqparattyq úılesimdiligin qamtamasyz etý týraly hattamany ratıfıkatsııalaý týraly», «Qazaqstan Respýblıkasy men Úndistan Respýblıkasy arasyndaǵy Azamattyq ister boıynsha quqyqtyq kómek kórsetý týraly shartty ratıfıkatsııalaý týraly», «Taýar tańbalary jónindegi zańdar týraly Sıngapýr shartyn jáne Taýar tańbalary jónindegi zańdar týraly Sıngapýr shartyna nusqaýlyqty ratıfıkatsııalaý týraly», «Qazaqstan Respýblıkasynyń keıbir zańnamalyq aktilerine shıfrlyq baılanys máseleleri boıynsha ózgerister men tolyqtyrýlar engizý týraly» zań jobalary jalpy otyrystyń kún tártibine engizilmek.
