Májilistiń jalpy otyrysyna shyǵarylatyn máseleler saralandy
ASTANA. 11 naýryz. QazAqparat - Búgin QR Parlamenti Májilisiniń tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti.
Onda Májilistiń jalpy otyrysyna shyǵarylatyn máseleler saralandy.
Palatanyń Halyqaralyq ister, qorǵanys jáne qaýipsizdik komıteti depýtattardyń talqysyna bir top zań jobalaryn usyndy. Atap aıtqanda, «Patent quqyǵytýraly shartty ratıfıkatsııalaý týraly», «Shanhaı yntymaqtastyq uıymyna múshe memleketterdiń lańkestikke qarsy quralymdary úshin kadrlar daıarlaý týraly kelisimdi ratıfıkatsııalaý týraly», sondaı-aq «Qazaqstan Respýblıkasy men Italııa Respýblıkasy arasyndaǵy strategııalyq áriptestik týraly shartty ratıfıkatsııalaý týraly» zań jobalary bar. Jáne de «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha tolyqtyrýlar engizý týraly» zań jobasy ekinshi oqylymda talqyǵa salynbaqshy.
Sonymen qatar Bıýro otyrysynda Úkimetten kelip túsken jańa zań jobalaryna qorytyndy ázirleý máseleleri qaraldy.
Bıýro otyrysynda 27-29 naýryz aralyǵynda Pavlodar oblysynda ındýstrııalyq saıasattyń ózekti máseleleri boıynsha Májilistiń Ekonomıkalyq reforma jáne óńirlik damý komıtetiniń kóshpeli otyrysyn ótkizý týraly qaýly qabyldandy. Bul sheshim tórtinshi saılanǵan QR Parlamenti Májilisiniń ókilettigin iske asyrýdyń tórtinshi sessııaǵa arnalǵan negizgi is-sharalar josparyna sáıkes júzege asyp otyr.
