Májilistiń jalpy otyrysyna «Magıstraldyq qubyr týraly» zań jobasy shyǵarylady
ASTANA. 18 mamyr. QazAqparat - Búgin QR Parlamenti Májilisiniń Tóraǵasy Nurlan Nyǵmatýlınniń jetekshiligimen Palata Bıýrosynyń otyrysy ótti.
Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy.
Bul jóninde Májilistiń baspasóz qyzmetinen habarlady.
Agrarlyq máseleler komıtetiniń usynýymen«Qazaqstan Respýblıkasynyń keıbir zańnamalyq aktilerine agroónerkásiptik keshendi damytý jáne qoldaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda talqyǵa shyǵarylatyn boldy.
Áleýmettik-mádenı damý komıteti Palatanyń talqysyna «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasyn birinshi oqylymǵa shyǵarýdy usyndy.
Sondaı-aq jalpy otyrysta «Qazaqstan Respýblıkasynyń memlekettik rámizderi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly» Konstıtýtsııalyq zań jobasy, soǵan sáıkes ilespe zań jobasy birinshi oqylymda talqyǵy salynatyn bolady.
Ekologııa máseleleri jáne tabıǵat paıdalaný komıtetiniń usynysy boıynsha «Magıstraldyq qubyr týraly» jáne «Qazaqstan Respýblıkasynyń keıbir zańnamalyq aktilerine magıstraldyq qubyr máseleleri boıynsha ózgerister men tolyqtyrýlar engizý týraly» zań jobasy birinshi oqylymda depýtattar talqysyna shyǵarylmaq.
Úkimetten kelip túsken «2009 jylǵy 22 qarashadaǵy Qazaqstan Respýblıkasynyń Úkimeti men Aýǵanstan Islam Respýblıkasynyń Úkimeti arasyndaǵy Bilim berý salasyndaǵy yntymaqtastyq týraly kelisimge ózgeris engizý týraly hattamany ratıfıkatsııalaý týraly» zań jobasy boıynsha qorytyndy ázirleý máselesi qaraldy.
