Májilistiń jalpy otyrysy saıası qýǵyn-súrgin jáne asharshylyq qurbandaryn únsizdikpen eske alýdan bastaldy

ASTANA. QazAqparat – Búgin Parlament Májilisiniń jalpy otyrysyn saıası qýǵyn-súrgin jáne asharshylyq qurbandaryn bir mınýt únsizdikpen eske alýdan bastaldy, dep habarlaıdy QazAqparat tilshisi.

«Búgin - Saıası qýǵyn-súrgin jáne asharshylyq qurbandaryn eske alý kúni. Náýbet jyldary ult tarıhyndaǵy qasiretke toly eń aýyr kezeńderdiń biri. Sondyqtan biz sol jyldary qurban bolǵan bozdaqtarymyzǵa taǵzym etip, bir mınýt únsizdikpen eske alaıyq», - dedi Májilis tóraǵasy Erlan Qoshanov.

Atap aıtqanda, búgin - HH ǵasyrdyń basynda talaıdy sarsańǵa salyp, qasiret shektirgen saıası qýǵyn-súrgin qurbandaryn eske alý kúni. Dál osy kúni 1920 jyldardyń sońynda jáne 1932-1933 jyldar aralyǵynda qasaqana uıymdastyrylǵan jasandy zaýaldan zardap shekkenderdi de eske alamyz. Qatań saıasattyń saldarynan qýǵyn-súrginge ushyraǵandardyń ózderi ǵana emes, olardyń jaqyndary da zardap shekti.

Aıta keteıik, búgin – saıası qýǵyn-súrgin jáne asharshylyq qurbandaryn eske alý kúni