Májilistiń jalpy otyrysy ótedi
ASTANA. Jeltoqsannyń 22-si. QazAqparat /Aıdyn Báımen/ - Erteń, jeltoqsannyń 23-i kúni QR Parlamenti Májilisiniń jalpy otyrysy ótedi. Onda Palatanyń salalyq komıtetteriniń usynysymen kún tártibi jobasyna 16 másele engizilgen,
dep habarlaıdy QazAqparat.
Jalpy otyrysta «Táýelsiz memleketter dostastyǵyna qatysýshy memleketterdiń shekaralyq yntymaqtastyǵy týraly konventsııany ratıfıkatsııalaý týraly» zań jobasy qaralady.
Sondaı-aq «Qazaqstan Respýblıkasynyń Ykimeti men Frantsýz Respýblıkasynyń Ykimeti arasyndaǵy Qarjylandyrý týraly hattamanyń kúshin joıý týraly» zań jobasy depýtattar talqysyna shyǵarylady. Atalǵan hattamada Almaty qalasynyń sýmen qamtamasyz etý jáne káriz ınfraqurylymyn ońaltý men jańǵyrtý jobasy qarastyrylǵan bolatyn.
Sonymen qatar jalpy otyrysta keıbir zańdarǵa mindetti jáne ózara saqtandyrý, salyq salý, balyq sharýashylyǵy máseleleri boıynsha qos Palata arasyndaǵy kelispeýshilikterdi eńserý jónindegi kelisim komıssııasynyń usynystary qaralady.
