Májilistiń jalpy otyrysy 2 mamyrda ótedi
ASTANA. 28 sáýir. QazAqparat - 2 mamyr, sársenbi kúni, Májilistiń jalpy otyrysy ótedi.
Jalpy otyrysta «2010 jylǵy 5 shildedegi Eýrazııalyq ekonomıkalyq qoǵamdastyq Sotynyń Statýtyna ózgerister engizý týraly Hattamany ratıfıkatsııalaý týraly» zań jobasy Palatanyń talqysyna shyǵarylatyny kózdelýde. Osy zań jobasy týraly depýtattar aldynda QR Ádilet mınıstri Berik Imashev baıandama jasaıdy. Sondaı-aq Májilistiń Halyqaralyq ister, qorǵanys jáne qaýipsizdik komıtetiniń múshesi Vladıslav Kosarev qosymsha túsinik beredi.
Osy kúni «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Konstıtýtsııasynyń 78-babyn iske asyrý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda talqyǵa salynady. Bul zań jobasy jóninde Zańnama jáne sot-quqyqtyq reforma komıtetiniń múshesi Ońalsyn Jumabekov baıandama jasaıdy.
«Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasy ekinshi oqylymda Palatanyń talqysyna shyǵarylǵaly tur. Jańadan engizilgen tolyqtyrýlar týraly Májilistiń Ekonomıkalyq reforma jáne óńirlik damý komıtetiniń múshesi Meıram Pishembaev baıandap beredi.
Jalpy otyrystyń kún tártibi basqa da máselelermen tolyqtyrylýy yqtımal.
