Májilistiń Zańnama jáne sot-quqyqtyq reforma komıtetiniń otyrysynda birneshe zań jobasy qaralady
ASTANA. Qarashanyń 9-y. QazAqparat. /Aıdyn Báımen/ - Erteń, qarashanyń 10-y kúni, Májilistiń Zańnama jáne sot-quqyqtyq reforma komıtetiniń otyrysy ótedi.
Onda birneshe zań jobasy qaralyp, komıtettiń sheshimi shyǵarylady, dep habarlaıdy QazAqparat.
Komıtet otyrysynda «Quqyq buzýshylyqtyń aldyn alý týraly», «Turmystyq zorlyq-zombylyqqa qarsy is-qımyl týraly», «Qazaqstan Respýblıkasynyń keıbir zańnamalyq aktilerine azamattardyń jeke ómirine qol suǵylmaýshylyq quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobalary qaralady.
Sonymen birge «Táýelsiz Memleketter Dostastyǵyna qatysýshy memleketterdiń shekaralyq yntymaqtastyǵy týraly konventsııany ratıfıkatsııalaý týraly», «Órt qaýipsizdigi týraly» jáne «Qazaqstan Respýblıkasy men Frantsýz Respýblıkasy arasyndaǵy strategııalyq áriptestik týraly shartty ratıfıkatsııalaý týraly» zań jobalary kún tártibine engizilip otyr.
Osy zań jobalary týraly túsinik berý úshin Ádilet, Іshki ister, sondaı-aq Tótenshe jaǵdaılar mınıstrleriniń orynbasarlary shaqyrylyp otyr.
