Májilistiń turaqty komıtetteriniń usynystary Bıýro músheleri tarapynan qoldaý tapty
ASTANA. Aqpannyń 15-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń otyrysy bolyp ótti,
dep habarlaıdy QazAqparat.
Májilistiń jalpy otyrysynda Palatanyń Ekologııa máseleleri jáne tabıǵat paıdalaný komıtetiniń usynýymen «Órt qaýipsizdigi týraly» Zańǵa Qazaqstanda órt qaýipsizdigi salasyndaǵy qaterlerdi táýelsiz baǵalaý júıesin qurý boıynsha ózgeris pen tolyqtyrýlar engizý týraly» zań jobasy birinshi oqylymda talqyǵa túsetin boldy. Sondaı-aq atalǵan komıtet «Jer qoınaýy jáne jer qoınaýyn paıdalaný týraly» zań jobasyn da talqyǵa salýdy usyndy.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine atqarýshylyq is júrgizý organdarynyń qyzmeti máseleleri boıynsha ózgerister men tolyqtyrýlar engizý týraly» zań jobasyn birinshi oqylymda, Qarjy jáne bıýdjet komıteti «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasyn da birinshi oqylymda talqyǵa shyǵarý jóninde usynys jasady. Bul usynysqa Bıýro músheleri qoldaý bildirdi.
Sonymen qatar «Jumyldyrý daıyndyǵy men jumyldyrý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne «Shanhaı yntymaqtastyq uıymyna múshe memleketterdiń terrorızmge qarsy birlesken oqý-jattyǵýlaryn uıymdastyrý jáne ótkizý tártibi týraly kelisimdi ratıfıkatsııalaý týraly» zań jobalary Palatanyń jalpy otyrysynyń kún tártibine engiziletin boldy. Sol sekildi «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 1 kólik dálizi [Jambyl oblysyndaǵy ýchaskeler][«Batys Eýropa - Batys Qytaı» halyqaralyq tranzıt dálizi] Investıtsııalyq baǵdarlama - 2-joba) ratıfıkatsııalaý týraly» zań jobasyn qaraýdy Májilistiń Halyqaralyq ister, qorǵanys jáne qaýipsizdik komıteti usynyp otyr.
Bıýro otyrysynda birqatar zań jobalaryna Parlament Senaty engizgen túzetýler men ózgerister de jalpy otyrysta qaralady. Úkimetten jýyrda kelip túsken jańa zań jobalaryn óndiriske alý máselesi de kún tártibine shyǵarylady.
