Májilistiń sessııa qorytyndysy: Depýtattar 12 zań jobasyn ázirledi
ASTANA. QazAqparat - Májilis depýtattary úshinshi sessııa basynan 12 zań jobasyn ázirledi. Bul týraly búgin tómengi palatynyń aǵymdaǵy jylǵy sońǵy jalpy otyrysyn qorytyndylaǵan Májilis Tóraǵasy Nurlan Nyǵmatýlın aıtty, dep habarlaıdy QazAqparat.
«Sessııa basynda 80 zań jobasy jumysqa qabyldanyp, onyń 42-si qaralyp, maquldanǵan. Onyń ishinde 12 zań jobasyna depýtattar ózderi bastamashy bolǵan. Parlament qabyldaǵan 27 zańǵa búginde Memleket basshysynyń qol qoıylyp, óz kúshine endi», - dedi Nurlan Nyǵmatýlın.
Aǵymdaǵy sessııa jumysynda Májilis Tóraǵasy «2018-2020 jyldarǵa arnalǵan respýblıkalyq bıýdjet týraly», Salyq kodeksi, Kedendik retteý, sondaı-aq, Qazaqstannyń keıbir konstıtýtsııalyq zańdaryna ózgerister engizý, Ákimshilik quqyq buzýshylyq jáne Aqparat jáne kommýnıkatsııa týraly zańdardyń jobalary men «Jer qoınaýy jáne jer qoınaýyn paıdalaný týraly» Kodeks jobasy sııaqty maquldanǵan birqatar mańyzdy qujattardy atap ótti.
