Májilistiń saılaýy Nıý-Iork iskerlik ortasynda talqylanýda
Qazaqstanda parlamenttik saılaý merziminen buryn ótýi múmkin ekendigi týraly habar Nıý-Iorktiń iskerlik ortalarynda da qyzý talqylanýda, dep jazady resmı BAQ.
Ekonomıkalyq sarapshylar bul usynysty der kezinde jasalǵan jáne óte durys sheshim dep sanaıdy. Elimizdegi bul máseleniń órbý barysy álemniń jetekshi kompanııalarynyń keńseleri ornalasqan ataqty Rokfeller-ortalyǵynyń da nazarynan tys qalǵan joq.
Máselen, amerıkalyq ekonomıkalyq sarapshy Devıd M.Valeranyń pikirinshe, jańa mindetterdi Parlamenttiń jańartylǵan, bilikti mamandardan turatyn, halyq múddesin oılaıtyn quramy kómegimen júzege asyrýǵa umtylý óte túsinikti.
«Bul máselede barsha qazaqstandyqtardyń eń durys, eń tıimdi jáne eń aqyrǵy sheshim qabyldaı alatyn Prezıdent Nazarbaevtyń ne aıtatynyn kútip otyrǵany da belgili. Qazaqstan ekonomıkasynyń ahýalyna munaı baǵasynyń deńgeıi men Reseıge qarsy sanktsııalar da tikeleı yqpal etedi. Al eger sońǵy onjyldyqtar ishinde sizderdiń Prezıdentterińizdiń talaı-talaı qıyn jaǵdaılardan eldi aman-esen alyp shyqqanyn eskerer bolsaq, biz bul joly da solaı bolatynyna senimdimiz. Men, sondaı-aq, Qazaqstannyń jaqynda óte kúrdeli synaqtardan abyroımen ótip, DSU-nyń 162-shi múshesi bolǵanyn atap ótkim keledi. Bul - el úshin úlken jeńis. Sondyqtan, el ekonomıkasynyń qaıta jaqsarýy az ǵana ýaqytty talap etetin másele dep senimmen aıta alamyn», - deıdi nıý-ıorktik ekonomıkalyq sarapshy.
