Májilistiń salalyq komıtetinde órt qaýipsizdigine qatysty zań jobasy qaraldy
ASTANA. Aqpannyń 3-i. QazAqparat - Májilistiń Ekologııa máseleleri jáne tabıǵat paıdalaný komıtetiniń músheleri «Órt qaýipsizdigi týraly» Qazaqstan Respýblıkasynyń Zańyna Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaý júıesin qurý boıynsha ózgeris pen tolyqtyrýlar engizý týraly» zań jobasyn talqylady,
dep habarlaıdy QazAqparat.
Zań jobasy boıynsha baıandama jasaǵan QR Tótenshe jaǵdaılar mınıstri Vladımır Bojkonyń málimdeýinshe, zań jobasyn qabyldaýdyń maqsaty halyqty, zańdy tulǵalar men jeke kásipkerlerdiń múlkin olardyń qaýipsizdiginiń jaı-kúıin baǵalaý salasyna memlekettik baqylaý organdarymen qatar táýelsiz sarapshy uıymdardy qosý arqyly qorǵaý deńgeıin arttyrý, sondaı-aq memlekettik órtke qarsy baqylaý organdary júzege asyratyn tekserýler sanyn qysqartý esebinen qorǵaý obektilerine ákimshilik júktemeni azaıtý bolyp tabylady. Ári olarǵa múmkindikter jasap, ári shtattyq ınstrýktorlardy kóbeıtpeı bıýdjet shyǵynyn da azaıtady. «Jalpy bizdiń qoǵamǵa eń qymbatymyz - adam ómiri ekeni týraly túsinikti qalyptastyrýymyz kerek!», - deıdi mınıstr.
Al, depýtat Aıtkúl Samaqova «Buqaralyq aqparat quraldary arqyly tilsiz jaýdyń janymyzda júrgenin nasıhattaıyq, Úkimet qarjy bólsin»,- dedi.
Bilim jáne ǵylym mınıstrligi bıylǵy oqý jylynyń basynda tuńǵysh ret tilsiz jaýǵa qarsy ınteraktıvtik sabaq júrgizgen. Al Tótenshe jaǵdaılar mınıstrligi aı saıyn jýrnal shyǵaryp nasıhatyn júrgizedi.
