Májilistiń otyrysynda «Indýstrııalyq-ınnovatsııalyq qyzmetti memlekettik qoldaý týraly» Zań jobasy maquldandy

TANA. 9 qarasha. QazAqparat /Aıdar Ospanalıev/ - Búgin Parlament Májilisiniń jalpy otyrysynda depýtattar «Indýstrııalyq-ınnovatsııalyq qyzmetti memlekettik qoldaý týraly» Zań jobasyn birinshi oqylymda maquldady.

Atalmysh qujat ulttyq ekonomıkany qarqyndy ındýstrııalyq-ınnnovatsııalyq damytý úshin qolaıly quqyqtyq jáne ekonomıkalyq jaǵdaı jasaıdy. Sonymen qatar, qujat ındýstrııalyq qyzmetti damytýdy yntalandyrý, joǵary tehnologııalyq ǵylymdy qajet etetin ekologııalyq taza jáne básekege qabiletti óndiristi qoldanysqa engizýge yqpal etedi.

Buǵan qosa, Zań jobasy ındýstrııalyq-ınnovatsııalyq shaǵyn jáne orta bıznesti qalyptastyryp, ındýstrııalyq-ınnovatsııalyq qyzmetti qoldaý qaǵıdattary men mindetterin naqtylaıdy jáne ony memlekettik qoldaý sharalaryn anyqtaıdy.

Otyrys barysynda atalmysh qujatty birinshi oqylymda qaraǵan depýtattar ony maquldaý qajet degen sheshim qabyldady.

Sondaı-aq depýtattar atalmysh Zań jobasynyń ilespe qujaty «Qazaqstan Respýblıkasynyń keıbir zańnamalyq aktilerine ındýstrııalyq-ınnovatsııalyq qyzmetti memlekettik qoldaý máseleleri boıynsha ózgerister men tolyqtyrýlar engizý týraly» Zań jobasyn da birinshi oqylymda maquldady.