Májilistiń komıtet otyrysynda sybaılas jemqorlyqty joıatyn zań jobasy qaraldy
ASTANA. 16 sáýir. QazAqparat - Májilistiń Zańnama jáne sot-quqyqtyq reforma komıtetiniń tóraǵasy Rahmet Muqashevtyń jetekshiligimen Komıtettiń keńeıtilgen otyrysy ótip, onyń jumysyna Palata tóraǵasynyń orynbasary Sergeı Dıachenko qatysty.
Basqosýda «Qazaqstan Respýblıkasynyń keıbir zańnamalyq aktilerine ártúrli zańnamalyq aktilerdiń quqyq normalary arasyndaǵy qaıshylyqtardy, olqylyqtardy, qaqtyǵystardy jáne sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymǵa ázirleý barysy talqylandy.
Zań jobasy boıynsha jumys tobynyń jetekshisi, depýtat Muhtar Tinikeev zań jobasynyń jumys tobyna 129 usynys túsip, Salystyrma kestege 128-i engizilgenin, zańnamany jetildirý maqsatynda «Normatıvtik quqyqtyq aktiler týraly», «Ákimshilik rásimder týraly» jáne «Atqarýshylyq is júrgizý jáne sot oryndaýshylarynyń mártebesi týraly» zańdarǵa túzetýler engizý kózdelip otyrǵanyn málimdedi.
Komıtet otyrysyna Prezıdent Ákimshiligi, Joǵarǵy sot, Bas prokýrotýra, Ádilet, Іshki ister mınıstrlikteriniń ókilderi qatysty.
Otyrysta komıtet músheleri atalǵan zań jobasyn Májilistiń jalpy otyrysyna shyǵarý jóninde sheshim qabyldady.
