Májilistiń kezekti Bıýro otyrysy ótti
ASTANA. 11 qarasha. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń otyrysy ótti, dep habarlaıdy Májilistiń baspasóz qyzmeti.
Halyqaralyq ister, qorǵanys jáne qaýipsizdik komıtetiniń usynýymen «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Azamattyq qorǵanys (qorǵaý), tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly»zań jobasy jalpy otyrystyń kún tártibine engiziletin boldy.
Ekonomıkalyq reforma jáne óńirlik damý komıteti «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qaraýdy usyndy.
Sondaı-aq Úkimetten Májiliske kelip túsken birqatar zań jobalary boıynsha qorytyndy ázirleý máselesi qaralatyn boldy.
Kún tártibine «Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» zań jobalaryna Parlament Senaty engizgen ózgerister men tolyqtyrýlar jónindegi máseleler engizilgen.
