Májilistiń kezekten tys saılaýy elimizdegi demokratııalyq úrdisterdi odan ári jyljytýǵa serpin beredi - Q. Mámı
TANA. 24 qarasha. QazAqparat /Qanat Mámetqazyuly/ - Májilistiń kezekten tys saılaýy elimizdegi demokratııalyq úrdisterdi odan ári jyljytýǵa serpin beredi. Búgin QR Parlamenti Senatynyń jalpy otyrysynda Palata Tóraǵasy laýazymyna qaıta taǵaıyndalǵan spıker Qaırat Mámı osylaı málim etti.
«Májilistiń saılaýyna baılanysty Senat aldynda jaýapty mindetter tur. Óıtkeni, Konstıtýtsııanyń 55-babyna sáıkes, Parlamenttiń barlyq zań shyǵarý qyzmeti Senatqa júktelgen. Bul biz úshin úlken jaýapýkershilik. Osynaý syndarly sátte Senat óziniń memlekettik bılik júıesindegi rólin abyroımen atqaryp, kelip túsken zań jobalaryn muqııat qarastyrýdy qamtýymyz kerek», - dedi Q. Mámı.
Spıkerdiń aıtýynsha, qazir Senattyń qaraýynda 55 zań jobasy bolsa, sonyń 15-i Májilis taratylǵanǵa deıin Senat komıtetteriniń talqysyna shyqqan. Al 40-qa jýyq zań jobalary Májilistiń talqylaýynda bolǵan.
«Biz osy ýaqytta eshqandaı da naýqanshyldyqqa jol bermeýge tıispiz. Barlyq jospar reglamentke sáıkes, josparly túrde ótýi shart», - dedi Q. Mámı.
