Májilistiń bıýrosynda jalpy otyrystyń kún tártibi qalyptastyryldy
ASTANA. 22 maýsym. QazAqparat - Búgin QR Parlamenti Májilisiniń Tóraǵasy Nurlan Nyǵmatýlınniń jetekshiligimen Palata Bıýrosynyń otyrysy ótti. Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy.
Bul jóninde Májilistiń baspasóz qyzmeti habarlady.
Qarjy jáne bıýdjet komıtetiniń usynýymen «Mıkroqarjy uıymdary týraly» jáne soǵan sáıkes ilespe zań jobalary birinshi oqylymda talqyǵa shyǵarylatyn boldy.
Sondaı-aq Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda Palata talqysyna shyǵarýdy usyndy.
Halyqaralyq ister, qorǵanys jáne qaýipsizdik komıteti «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qazaqstan Respýblıkasy azamattarynyń Qyrǵyz Respýblıkasynyń aýmaǵynda jáne Qyrǵyz Respýblıkasy azamattarynyń Qazaqstan Respýblıkasynyń aýmaǵynda bolý tártibi týraly kelisimdi ratıfıkatsııalaý týraly», «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Saýda ókildikterin ózara qurý týraly kelisimdi ratıfıkatsııalaý týraly», «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Saýda ókildikteriniń bólimshelerin ashý týraly kelisimdi ratıfıkatsııalaý týraly» jáne «Eýrazııalyq ekonomıkalyq qoǵamdastyqqa múshe memleketterdiń kapıtal qozǵalysyna baılanysty operatsııalardy retteý jáne baqylaý jónindegi valıýtalyq saıasatynyń negizin quraıtyn qaǵıdattar týraly kelisimdi ratıfıkatsııalaý týraly» zań jobalaryn kún tártibine shyǵarý jóninde usynys jasady.
Bıýro otyrysynda «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Konstıtýtsııasynyń 78-babyn iske asyrý máseleleri boıynsha ózgerister men tolyqtyrýlar engizý týraly» zań jobasyna Parlament Senaty engizgen ózgerister men tolyqtyrýlar da qaraldy.
Úkimetten kelip túsken «Qazaqstan Respýblıkasynyń keıbir zańnamalyq aktilerine tóreliktiń jáne aralyq sottyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasy boıynsha qorytyndy ázirleý máselesi qaraldy. Bul zań jobasy Zańnama jáne sot-quqyqtyq reforma komıtetine jiberiledi.
