Májilistiń Bıýrosy jalpy otyrystyń kún tártibin qalyptastyrdy
TANA. 28 qazan. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń otyrysy ótti. Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy,
dep habarlaıdy Májilistiń baspasóz qyzmeti.
Halyqaralyq ister, qorǵanys jáne qaýipsizdik komıtetiniń birqatar zań jobalaryn depýtattardyń talqysyna shyǵarý jónindegi usynysy qaraldy. Atap aıtqanda, «Keden odaǵynyń jáne Keden odaǵyna múshe memleketterdiń keden zańnamasyn buzǵany úshin qylmystyq jáne ákimshilik jaýapkershiliktiń erekshelikteri týraly shartty ratıfıkatsııalaý týraly», «Keden odaǵyna múshe memleketterdiń keden organdarynyń qylmystyq ister men ákimshilik quqyq buzýshylyq týraly ister boıynsha quqyqtyq kómegi jáne ózara is-qımyly týraly kelisimdi ratıfıkatsııalaý týraly», «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly», «Mádenı qundylyqtardy zańsyz ákelýge, áketýge jáne olarǵa menshik quqyǵyn berýge tyıym salý men olardyń aldyn alýǵa baǵyttalǵan sharalar týraly konventsııany ratıfıkatsııalaý týraly» zań jobalary jalpy otyrystyń kún tártibine engiziletin boldy.
Ekologııa máseleleri jáne tabıǵat paıdalaný komıteti «Gaz jáne gazben jabdyqtaý týraly» jáne soǵan ilespe zań jobasyn birinshi oqylymda qaraýdy usyndy.
Palatanyń Zańnama jáne sot-quqyqtyq reforma komıteti «Memlekettik quqyqtyq statıstıka jáne arnaıy esepke alý týraly» Qazaqstan Respýblıkasynyń Zańyna tolyqtyrý engizý týraly» zań jobasynyń depýtattar talqysyna shyǵarylatynyn habarlady.
Úkimetten Májiliske kelip túsken jańa zań jobalary boıynsha qorytyndy ázirleý máselesi qaralatyn boldy. Bıýro otyrysynda Májilistiń zań shyǵarmashylyq isine qatysty basqa da máseleler qaraldy.
