Májilistiń bıýro otyrysynda qandaı zań jobalary talqyǵa túsedi

NUR-SULTAN. QazAqparat - Búgin Májilis spıkeri Erlan Qoshanovtyń tóraǵalyǵymen Bıýro otyrysy ótip, onda aldaǵy jalpy otyrystyń kún tártibi jobasy naqtylandy, dep habarlaıdy QazAqparat.

Bıýro otyrysynda depýtattar qaraýyna Qazaqstan men Túrki akademııasy arasyndaǵy Túrki akademııasyn ornalastyrý sharttary men tártibi týraly kelisimdi ratıfıkatsııalaý týraly zań jobasy usynyldy.

Qujatqa 2020 jylǵy 16 qarashada Túrkitildes memleketter keńesine qatysýshy memlekettermen yntymaqtastyqty odan ári nyǵaıtý maqsatynda qol qoıyldy jáne uıymnyń Qazaqstandaǵy qyzmeti kezeńinde mártebesi men artyqshylyqtary aıqyndaldy.

Sonymen qatar Májilis depýtattary ekinshi oqylymda «Qazaqstan Respýblıkasynyń bıologııalyq qaýipsizdigi týraly» zań jobasyn ilespe túzetýlermen talqylaıdy.

Palatanyń aldaǵy jalpy otyrysynda depýtattar ózderi ázirlegen «Qazaqstan Respýblıkasynyń keıbir zańnamalyq aktilerine otbasy ınstıtýtyn nyǵaıtý máseleleri boıynsha ózgerister men tolyqtyrýlar engizý týraly» zań jobasyn jumysqa alady.

Atalǵan qujat memlekettik otbasylyq saıasatty qalyptastyrý bóligindegi túzetýlermen qatar turmystyq zorlyq-zombylyqtyń jalpy jáne jeke aldyn alý sharalaryn kózdeıtin normalardy qamtıdy.