Májilistiń Bıýro otyrysy ótti
NUR-SULTAN. QazAqparat - Májilis Spıkeri Nurlan Nyǵmatýlınniń tóraǵalyǵymen Palatanyń Bıýro otyrysy ótti. Onda aldaǵy jalpy otyrystyń kún tártibi naqtylandy, dep habarlaıdy Májilistiń baspasóz qyzmeti.
Aldaǵy sársenbide Májilis depýtattarynyń qaraýyna Qazaqstan Respýblıkasy men Soltústik ınvestıtsııalyq bank arasyndaǵy Soltústik ınvestıtsııalyq banktiń Qazaqstandaǵy qyzmetin retteıtin negizdemelik kelisimdi ratıfıkatsııalaýǵa arnalǵan zań jobasy usynylady.
Bıýro otyrysynda altynshy saılanǵan Parlament Májilisiniń ókilettikterin iske asyrýdyń besinshi sessııaǵa arnalǵan negizgi is-sharalar jospary jáne birqatar basqa da máseleler nazardan tys qalmady.
