Májilistiń alǵashqy jalpy otyrysynyń kún tártibi belgili boldy
ASTANA. QazAqparat - Búgin Parlament Májilisiniń Tóraǵasy Baqtyqoja Іzmuhambetovtiń tóraǵalyǵymen Májilis Bıýrosy ótti. Onda aldaǵy jalpy otyrystyń kún tártibi naqtylandy. Bul týraly palatanyń baspasóz qyzmetinen habarlandy.
Jalpy otyrystyń kún tártibinde birqatar ratıfıkatsııalyq qujattardy jumysqa qabyldaý máselesi qaraldy. Atap aıtqanda, Halyqaralyq Qaıta Qurý jáne Damý Bankimen Qazaqstanda ofıster qurý jáne olardyń jumys isteýi týraly, sonymen qatar, Makedonııamen ınvestıtsııalardy kótermeleý jáne ózara qorǵaý týraly úkimetaralyq kelisimderdi ratıfıkatsııalaý týraly zań jobasy usynylatyn bolady. Budan bólek, depýtattar jalpy otyrysta azamattyq zańnamany jetildirý máseleleri boıynsha jumysty odan ári jalǵastyrýdy talqylaıdy. Zań jobasynda úlestik menshikti ıelený, paıdalaný jáne oǵan bılik etý máselelerinde azamattardyń zańdy múddeleri men quqyqtaryn qamtamasyz etý maqsatynda múlikti belgilengen tártippen bólip shyǵarý múmkin bolmaǵan jaǵdaıda, sottyń ony jarııa saýdaǵa salyp satý týraly sheshim qabyldaýy boıynsha ımperatıvti norma belgileý qarastyrylady.
Eske sala keteıik, aldaǵy aptada altynshy shaqyrylǵan Parlament Májilisiniń birinshi sessııasyndaǵy alǵashqy otyrysy ótetin bolady.
