Májilistiń alǵashqy jalpy otyrysy ótýde
ASTANA. QazAqparat - Búgin Parlament Májilisiniń Tóraǵasy Baqtyqoja Іzmuhambetovtiń jetekshilik etýimen palatanyń birinshi sessııasynyń alǵashqy jalpy otyrysy ótýde. Jalpy otyrysqa palatanyń 107 depýtatynyń 105-i qatysýda.
Májilis Bıýrosynyń usynysy boıynsha kún tártibine tórt másele engizilgen bolatyn. Atap aıtqanda, Halyqaralyq Qaıta Qurý jáne Damý Bankimen Qazaqstanda ofıster qurý jáne olardyń jumys isteýi týraly, sonymen qatar, Makedonııamen ınvestıtsııalardy kótermeleý jáne ózara qorǵaý týraly úkimetaralyq kelisimderdi ratıfıkatsııalaý týraly zań jobalary usynylady. Sonymen qatar, azamattyq zańnamany jetildirý máseleleri boıynsha zań jobasymen jumysty odan ári jalǵastyrý máselesin qaraıtyn bolady.
Budan bólek, depýtattar altynshy saılanǵan Májilistiń ókilettikterin iske asyrýdyń birinshi sessııaǵa arnalǵan negizgi is-sharalar jospary talqylaıdy.
