Májilistiń Agrarlyq máseleler komıteti kóshpeli otyrysta veterınarııa qyzmeti jaıyn talqylamaq
ASTANA. 26 naýryz. QazAqparat - Erteń 27 naýryzda Almatyda Qazaqstan Respýblıkasy Parlamenti Májilisi Agrarlyq máseleler komıtetiniń kóshpeli otyrysy ótedi.
«QazAgroInnovatsııa» AQ-ǵa qarasty Qazaq Veterınarııa ǵylymı-zertteý ınstıtýtynyń bazasynda ótetin sharanyń taqyryby: «Qazaqstan Respýblıkasynda veterınarııalyq qaýipsizdikti qamtamasyz etýdiń problemalary men perspektıvalary». Bul týraly «QazAgroInnovatsııa» aktsıonerlik qoǵamynyń baspasóz qyzmetinen habarlandy.
Aýyl sharýashylyǵy mınıstrligi men «QazAgroInnovatsııa» AQ birlesip uıymdastyratyn sharaǵa Parlamenti Májilisi Agrarlyq máseleler komıtetiniń músheleri - depýtattar, mınıstrlik pen onyń enshiles uıymdarynyń jáne vedomstvolyq baǵynysty mekemeleriniń ókilderi, sonymen qatar Almaty oblysy ákimdiginiń qyzmetkerleri, veterınarııa qyzmetiniń, agroónerkásip sýbektileriniń mamandary, ǵalymdar qatyspaq.
Sharanyń maqsaty - Qazaqstanda veterınarııalyq qaýipsizdikti jáne veterınarııalyq qyzmetti damytý strategııasyn qamtamasyz etý salasynda iske asyrylyp otyrǵan saıasatty talqylaý.
