Májilisti taratý máselesin Prezıdent sheshedi – Erlan Qoshanov
NUR-SULTAN. QazAqparat – Májilis tóraǵasy Erlan Qoshanov Parlament palatasyn taratý sheshimin Prezıdent sheshetinin aıtty, dep habarlaıdy QazAqparat tilshisi.
Búgin palatanyń jalpy otyrysynan keıin tilshiler E.Qoshanovtan Májilistiń taratylýy múmkindigine qatysty suraq qoıdy.
«Búgingi kúnde oǵan zańdy negiz joq. Qazirgi kezde bizdiń maqatymyz - referendýmda qabyldanǵan ári Konstıtýtsııaǵa engizilgen ózgeristi zańdastyrý. Sol boıynsha 30-ǵa tarta zań jobasy bizge kelip túsedi. Osy zań jobalaryn biz jyldyń aıaǵyna deıin qabyldaýymyz kerek», - dedi palata tóraǵasy.
Sonymen qatar E.Qoshanov Májilistiń taratylýy máselesin Prezıdent sheshetinin atap ótti.
«Taratý nemese taratpaý máselesin Prezıdent sheshedi. Sondyqtan bul dúnıede bári múmkin», - dedi ol.
Budan buryn habarlanǵandaı, jaqynda Ádilet vıtse-mınıstri Alma Muqanova Parlamenttiń qazirgi shaqyrylymy taratylmaıtynyn aıtty.
