Májilisten túsken birqatar zań jobalary Senat Bıýrosynyń otyrysynda talqylandy
ASTANA. 3 mamyr. QazAqparat - Búgin Qaırat Mámıdiń tóraǵalyq etýimen Parlament Senatynyń Bıýro otyrysy boldy.
Otyrysta Parlament Májilisinde maquldanǵan zań jobalary Senattyń turaqty komıtetteri men palata Apparatyna bólinip berildi.
Atap aıtqanda, Konstıtýtsııalyq zańnama, sot júıesi jáne quqyq qorǵaý organdary komıtetine «2010 jylǵy 5 shildedegi Eýrazııalyq ekonomıkalyq qoǵamdastyq Sotynyń Statýtyna ózgerister engizý týraly Hattamany ratıfıkatsııalaý týraly» zań jobasy odan ári zerdeleýge berildi.
Osy komıtetke «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Konstıtýtsııasynyń 78-babyn iske asyrý máseleleri boıynsha ózgerister men tolyqtyrýlar engizý týraly» zań jobasy da berildi.
Al Ekonomıkalyq damý jáne kásipkerlik komıteti «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasyn odan ári pysyqtaıtyn boldy.
Qarjy jáne bıýdjet komıteti «Qazaqstan Respýblıkasynyń keıbir zańnamalyq aktilerine zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa jáne aqshany qolma-qol aqshaǵa aınaldyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy boıynsha bas komıtet bolyp belgilendi.
Bıýroda odan basqa 2012 jylǵy 17 mamyrda bolatyn palata otyrysynyń kún tártibine usynystar da qaraldy.
Palata otyrysynda «2010 jylǵy 5 shildedegi Eýrazııalyq ekonomıkalyq qoǵamdastyq Sotynyń Statýtyna ózgerister engizý týraly Hattamany ratıfıkatsııalaý týraly» zań jobasyn qaraý josparlandy.
Sondaı-aq elimizdiń qoldanystaǵy keıbir zańnamalyq aktilerine zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa jáne aqshany qolma-qol aqshaǵa aınaldyrýǵa qarsy is-qımyl máseleleri boıynsha ózgerister men tolyqtyrýlar engizý týraly zań jobasy talqylanady.
