Májilistegi úkimet saǵatynda qyzmetteri jaıynda Tabıǵı monopolııalardy retteý agenttiginiń tóraǵasy baıandaıdy
ASTANA. 13 sáýir. QazAqparat - Dúısenbi, 16 sáýir kúni, Májiliste Úkimet saǵaty ótedi.
Bul kúni parlamentshiler Qazaqstan Respýblıkasy Tabıǵı monopolııalardy retteý agenttigi qyzmetiniń negizgi baǵyttaryn talqyǵa salady.
Úkimet saǵatynda atalǵan taqyryp boıynsha QR Tabıǵı monopolııalardy retteý agenttiginiń tóraǵasy Murat Ospanov baıandama jasaıdy. Ol agenttiktiń negizgi baǵyttary týraly málimetterdi jarııa etedi dep kútilýde.
Úkimet saǵatynda tarıftik saıasattaǵy strategııalyq baǵyttar: retteletin sektorlardyń ınvestıtsııalyq tartymdylyǵyn arttyrý, energııa saqtaý men resýrs saqtaý mindetterin sheshý máseleleri jan-jaqty kórinis tabady.
Sonymen qatar baıandamashy ózi jetekshilik jasaıtyn agenttiktiń atqaryp kele jatqan negizgi is-sharalary, aldaǵy josparlary tóńireginde depýtattardyń suraqtaryna jaýap beredi dep kútilýde.
