Májilistegi «Nur Otan» partııasynyń fraktsııasy kezekten tys saılaýdy Qazaqstannyń bolashaǵy úshin tarıhı mańyzy sheshim dep sanaıdy
ASTANA. QazAqparat - Májilistegi «Nur Otan» partııasynyń fraktsııasy kezekten tys saılaýdy Qazaqstannyń bolashaǵy úshin tarıhı mańyzy sheshim dep sanaıdy. Búgin Májilistiń jalpy otyrysynda besinshi saılanǵan Parlament Májilisiniń ózin-ózi taratý jáne jańa saılaýdy taǵaıyndaý týraly QR Prezıdentiniń atyna joldaǵan Úndeýin jarııalaǵan depýtat Nurlan Ábdirov osylaı málimdedi.
«Nur Otan» partııasynyń fraktsııasy Májilisti taratý jáne kezekten tys saılaýyn taǵaıyndaý týraly sheshim ásirese, qazirgideı asa kúrdeli álemdik ekonomıkalyq jáne geosaıası jaǵdaıda qıyn, alaıda Qazaqstannyń búgini men bolashaǵy úshin tarıhı mańyzy bar sheshim dep sanaıdy. Birinshiden, qazirgi Parlament Prezıdenttiń bes ınstıtýttyq reformasyn bastaýǵa qajetti zańnamamen tolyq qamtamasyz etip, óziniń tarıhı mıssııasyn oryndady. Qazir olardy naqty is júzine asyrý kezeńi bastaldy. Bul rette Qazaqstan halqynyń elimizdi aýqymdy jańǵyrtý men daǵdarysqa qarsy tıimdi saıasatty zańnamalyq qamtamasyz etýde qaı partııalarǵa jańa senim mandatyn beretinin aıqyndaýy aıryqsha mańyzdy. Sondyqtan da, biz aǵymdaǵy jyldyń sońynda óz ókilettigimizdiń merzimi aıaqtalýyn kúte almaımyz jáne Májilisti taratyp, Parlamentpen barlyq deńgeıdegi máslıhattardyń jańa saılaýyn taǵaıyndaý jóninde bastama kóteremiz», dedi N. Ábdirov.
Onyń aıtýynsha, bul qadam - ýaqytty uttyrmaı is júzinde tutas bir jyldy joǵaltpaı daǵdarysqa qarsy sharalar men memelkettiń qýatyn arttyrý jónindegi jańa reformalardy júzege asyrýǵa qazirden bastap kirisýge múmkindik beredi.
