Májilistegi «Nur Otan» partııasy fraktsııasynyń depýtattary óńirlerde jurtshylyqpen kezdesýde (FOTO)
Atap aıtqanda, Májilis depýtattary Svetlana Ferho men Aleksandr Mılıýtın Semeı qalasyndaǵy jumys saparlary barysynda birqatar nysandardy aralady. «Nazarbaev Zııatkerlik mektebi», «Qaraǵaıly» jańa shaǵyn aýdanynda bolǵan kezdesýlerge áleýmettik sala ókilderi, pedagogtar, densaýlyq saqtaý jáne áleýmettik sala mekemeleriniń qyzmetkerleri qatysyp, onda zeınetaqy jáne áleýmettik qorǵaý salasyndaǵy zańnamalyq ózgerister týraly túsiniktemeler berildi. Sonymen birge, májilismender Svetlana Ferho men Svetlana Romanovskaıa partııanyń oblystyq fılıalynda azamattardy jeke máseleleri boıynsha qabyldady. Onda turǵyndar zeınetaqy tóleý, jer ýchaskelerin zańdastyrý, jumysqa ornalasý máselelerin kóterdi. Al «Nur Otan» partııasynyń Qostanaı qalalyq fılıalynda Májilis depýtaty Irına Aronova oblystyq partııa aktıvimen júzdesip, onda partııa músheleriniń etıkalyq kodeksiniń jobasy týraly sóz boldy. Budan bólek, «Baqytty balalyq shaq» partııalyq jobasy aıasyndaǵy kezdesýde májilismen eki jetim balaǵa «Bolashaqqa arnalǵan salym» aktsııasy boıynsha arnaıy salymdardyń ashylǵany týraly sertıfkattar tabystady.
Al depýtat Olga Kıkolenko «Nur Otan» partııasynyń Qostanaı oblystyq fılıalyndaǵy qoǵamdyq qabyldaýda azamattardy qabyldady. Onda ár túrli máseleler boıynsha óńirdiń on eki turǵyny depýtattyń qabyldaýynda boldy. Dál osyndaı sharalar Májilis depýtaty Aıgúl Nurkınanyń Pavlodar oblysyna jumys sapary aıasynda da oryn aldy. «Bolashaqqa arnalǵan salym» aktsııasy elimizdiń barlyq óńirlerinde ótip jatyr. Jaqsy joǵary bilim - kásibı ósim men ıgilikte ómir súrýdiń kepili. Al balalar bizdiń bolashaǵymyz ekenin eskersek, sharanyń mańyzy zor ekenin túsinemiz», - deıdi Aıgúl Nurkına. Sonymen qatar, bir top Májilis depýtattary - Vıktor Kııanskıı, Shafhat Ótemisov, Elena Tarasenko men Samıǵolla Orazov jumys saparymen Batys Qazaqstan oblysyndaǵy óńirlerdi aralaýda. Májilismender Oral transformator zaýytynda bolyp, «Rodnık» fırmasynyń jáne «Jastyq» agrofırmasynyń qyzmetimen tanysty. Al Aqtóbe oblysyndaǵy jumys sapary barysynda depýtat Shalataı Myrzahmetov, Gleb Şegelskıı, Ámirhan Raqymjanov pen Іzbaq Ómirzaqovtar birqatar bilim berý jáne sport mekemelerinde bolyp, qyzmetkerlerimen júzdesti. Aıta keterligi, besinshi saılanǵan Parlamenttiń tórtinshi sessııasynyń jabylýy barysynda sóz sóılegen Májilis spıkeri Q. Jaqypov depýtattar kanıkýlǵa shyqqanymen, óńirlerde jumys jalǵasatynyn aıtqan bolatyn. Osyǵan oraı, «Nur Otan» fraktsııasy depýtattarynyń óńirlerge jumys sapary áli de jalǵasa bermek.
