Májilistegi mańyzdy zań jobalary saılaýshylarǵa janjaqty túsindirýdi qajet etedi - N. Nyǵmatýlın
ASTANA. 3 sáýir. QazAqparat - Parlament depýtattary onkúndik saparmen óńirlerge shyǵyp, saılaýshylarmen kezdesedi.
Bul týraly búgin Parlament Májilisiniń jalpy otyrysynda palata spıkeri Nurlan Nyǵmatýlın málim etti.
«Parlament depýtattaryna toqsan saıyn saılaýshylarmen kezdesý úshin on kún ýaqyt beriledi. Sondyqtan 5 sáýirden bastap, bárimiz aımaqtarǵa shyǵamyz. Soǵan oraı birinshiden, saparǵa sáttilik tileımin. Ekinshiden, atqarylyp jatqan jumystar boıynsha partııa fraktsııasynyń usynystary negizinde barlyq máseleler aıqyndaldy. Soǵan baılanysty ótken sapardaǵy sekildi saılaýshylarmen, eńbek ujymdarymen tikeleı kezdesýler ótkizip qaıtýymyz kerek», - dedi N. Nyǵmatýlın.
Sonymen qatar, tóraǵa Májilis qorjynynda birqatar mańyzdy zań jobalary bar ekendigin, olardyń basym bóligi saılaýshylarǵa jan-jaqty túsindirýdi, taldaýdy qajet etetinin jetkizdi.
