Májilistegi «Amanat» partııa fraktsııasynyń alda atqaratyn jumystary aıqyndaldy
NUR-SULTAN. QazAqparat - Búgin Parlament Májilisinde spıker Erlan Qoshanovtyń tóraǵalyǵymen «Amanat» partııasy fraktsııasynyń otyrysy ótti, dep habarlaıdy QazAqparat.
Onda saıası uıymnyń 2022 jylǵy 1 naýryzda ótken kezekten tys HHІІ sezinde El Prezıdenti, Partııa Tóraǵasy Q.K.Toqaev alǵa qoıǵan jańa mindetterdi júzege asyrý máseleleri qaraldy.
Erlan Qoshanov sezdiń tarıhı mánine toqtalyp, «Amanat» partııasy qyzmetin transformatsııalaý aıasynda depýtattardyń jumysyn jandandyrýdyń mańyzyn atap ótti. Negizgi maqsat – qoǵam suranysyna der kezinde jaýap berý jáne azamattardyń naqty máselelerin sheshý. Nátıjesinde ol jańa saıası jaǵdaıda saılaýshylardyń «Amanat» partııasyna degen senimin arttyrýǵa septigin tıgizedi.
Depýtattar jumysyndaǵy jańa tásilderdi talqylaı kele, Májilis Spıkeri halyqtyń naqty problemalaryn sheshý úshin Úkimetpen birlese jumys atqarýdyń mańyzdylyǵyn aıtty. Depýtattarǵa bul iske Úkimetten bir Vıtse-premerdiń bekitilgeni jóninde aqparat berildi. Ol depýtattardyń saýaldarynda kóterilgen máselelerdi sheshý boıynsha júıeli túrde jumys isteıtin bolady.
«Memleket basshysy azamattardyń múddesin qorǵaý basty maqsat ekenin naqty aıtty. Biz óńirlerde qozǵalǵan birqatar ózekti máselelerdi toptastyrdyq. Men ony fraktsııa Prezıdıýmyna bir júıege keltirip, Úkimetke joldaýdy tapsyrdym. Odan keıin Úkimetpen birlesken is-sharalar ótkizip, sol máselelerdi sheshý úshin árqaısysyn jeke-jeke talqylaımyz. Bul BAQ ókilderiniń qatysýymen ashyq ótetin bolady», – dedi Erlan Qoshanov.
Sonymen qatar fraktsııa basshysy depýtattardy halyqty tolǵandyratyn máseleler boıynsha saılaýshylarmen keri baılanys ornatý úshin áleýmettik jeliler men buqaralyq aqparat quraldarynyń múmkindikterin belsendi paıdalanýǵa shaqyrdy. Ásirese, jumys barysynda áleýmettik zertteýlerdi keńinen paıdalaný, asa mańyzdy áleýmettik-ekonomıkalyq máseleler, sonyń ishinde azamattardyń shaǵymdary boıynsha ózekti statıstıkalyq derekterdi alý úshin Úkimettiń Tsıfrlyq keńsesimen ózara is-qımyldy kúsheıtý, partııanyń saılaýaldy ýádelerin oryndaý úshin Jol kartasynyń iske asyrylýyn depýtattyq baqylaýǵa alý.
Sondaı-aq fraktsııa otyrysynda depýtattar óńirlerdegi halyqtyń naqty máselelerine shuǵyl jaýap berý joldaryn qarastyryp, jastardy qoldaýǵa baǵyttalǵan birqatar mańyzdy jobalardy talqylady.
Otyrys barysynda Májilis komıtetteri janynan qoǵamda, sonyń ishinde jańa medıada kóterilip jatqan ózekti máseleler boıynsha turaqty jumys isteıtin sarapshylar alańdaryn qurý týraly sheshim qabyldandy. Barlyq kezdesýler onlaın rejıminde ótip, sarapshylar men BAQ ókilderi osy dıalog alańdarynyń turaqty qatysýshylaryna aınalýy kerek.
Fraktsııa otyrysynda vıtse-spıker, fraktsııa basshysynyń orynbasary P.Kazantsev, depýtattar S.Nurbek, E.Jańbyrshın, E.Smyshlıaeva, ıÝ.Kýchınskaıa, E.Bısembaev, E.Saıyrov sóz sóıledi. Baıandamashylar partııa basshylyǵy júktegen mindetterge sáıkes fraktsııa depýtattarynyń jumysyn jandandyrý jaıly oı-pikirlerimen bólisti.
