Májiliste jumyspen qamtý baǵdarlamasyna arnalǵan Úkimet saǵaty ótedi
ASTANA. 12 mamyr. QazAqparat - 16 mamyr, dúısenbi kúni Parlament Májilisinde Úkimet saǵaty ótedi. Úkimet saǵatynyń taqyryby negizinen «Jumyspen qamtý - 2020» baǵdarlamasyna arnalatyny josparlanǵan.
Bul týraly QazAqparat Parlament Májilisiniń baspasóz qyzmetine silteme jasap habarlaıdy.
Atalǵan másele boıynsha depýtattar aldynda QR Eńbek jáne halyqty áleýmettik qorǵaý mınıstri Gúlshara Ábdihalyqova baıandama jasaıdy dep kútilýde. Sonymen qatar Úkimet saǵatynda mınıstr jumyspen qamtý baǵdarlamasy boıynsha depýtattar tarapynan týyndaǵan saýaldarǵa jaýap beretin bolady.
