Májiliste jer resýrstaryn tıimdi paıdalaný máselesi boıynsha Úkimet saǵaty ótedi
ASTANA. 3 qarasha. QazAqparat -Dúısenbi kúni, 5 qarashada Májiliste Úkimet saǵaty ótedi. Onda «Jer resýrstaryn tıimdi paıdalaný boıynsha atqarylatyn sharalar» atty taqyryptaǵy máseleler talqylanatyn bolady.
Májilistiń baspasóz qyzmetiniń habarlaýynsha, Úkimet saǵaty barysynda depýtattar aldynda Qazaqstan Respýblıkasy Jer resýrstaryn basqarý agenttiginiń tóraǵasy Qadyrhan Otarov baıandama jasaıdy dep kútilýde.
Budan bólek, osy kúni Ekonomıkalyq reforma jáne óńirlik damý komıtetinde «Qazaqstan Respýblıkasynyń memlekettik qyzmet máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobasynyń tanystyrylymyn ótkizedi. Onda Qazaqstan Respýblıkasy Memlekettik qyzmet isteri agenttiginiń tóraǵasy Álıhan Báımenovtyń zań jobasy boıynsha baıandama jasaıtyny josparlanǵan. Zań jobasy boıynsha jumys tobynyń jetekshisi depýtat Serikjan Qanaev.
