Májiliste «Jeke qosalqy sharýashylyq týraly» zań jobasy qaralady

NUR-SULTAN. QazAqparat – Parlament Májilisiniń depýtattary «Jeke qosalqy sharýashylyq týraly» zań jobasyn qaraıdy, dep habarlaıdy QazAqparat tilshisi.

«Atalǵan zań jobasy Memleket basshysynyń «Halyq birligi jáne júıeli reformalar – el órkendeýiniń berik negizi» Joldaýynyń Jalpyulttyq is-sharalar josparyn iske asyrý maqsatynda ázirlendi. Zań jobasynyń maqsaty – jeke qosalqy sharýashylyqtardyń qyzmetin memlekettik retteý salasyndaǵy zańnamany jetildirý. Agrarlyq máseleler komıteti osy zań jobasy boıynsha qorytyndy ázirleýge daıyn», - dedi Májilistiń Agrarlyq máseleler komıtetiniń tóraǵasy, depýtat Erlan Barlybaev palatanyń jalpy otyrysynda.

Sonymen qatar Májilis depýtattary «Qazaqstan Respýblıkasynyń keıbir zańnamalyq aktilerine jeke qosalqy sharýashylyqtardyń qyzmeti máseleleri boıynsha ózgerister men tolyqtyrýlar engizý týraly» ilespe zań jobasyn da talqylaıdy.

«Zań jobasy jergilikti ókildi jáne atqarýshy organdarǵa jeke qosalqy sharýashylyqtardyń qyzmetin damytý ári nyǵaıtý boıynsha qosymsha ókilettikter berý úshin ázirlendi. Qujattyń maqsaty – qoldanystaǵy zańnamalar normalaryn jańadan ázirlengen «Jeke qosalqy sharýashylyq týraly» zań jobasymen sáıkestendirý. Agrarlyq máseleler komıteti osy zań jobasy boıynsha qorytyndy ázirleýge daıyn», - dedi E. Barlybaev.