Májiliste «Jaıylymdar týraly» zań jobasy tanystyryldy
ASTANA. QazAqparat - Búgin Parlament Májilisinde «Jaıylymdar týraly» zań jobasynyń tanystyrylymy bolyp ótti. Zań jobasy Memleket basshysy aıqyndaǵan «100 naqty qadam» Ult josparynyń 35, 97-shi qadamdaryn iske asyrý jáne «Qazaqstan-2050» strategııasynda júktelgen mindetterdi oryndaý maqsatynda ázirlengen.
Qujat elimizdegi jaıylymdar ınfraqurylymyn jaqsartýǵa, jaıylym jerlerdiń tozýyn boldyrmaýǵa, olardyń qorshaǵan orta ekojúıesindegi ekologııalyq tutastyǵyn saqtaýǵa baǵyttalady. Budan bólek, qujatta ekologııalyq taza mal ónimderin óndirýdi arttyrý máseleleri qarastyrylyp otyr.
«Elimiz keń baıtaq, solaı bola tura aýyldaǵylar mal jaıylymynan tapshylyq kórip otyr. Osyǵan baılanysty suraq týady: búgingi kúni jaıylymdar qalaı paıdalanylyp jatyr? Qazaqstanda jyl saıyn shamamen 11 mıllıon mal basy jaıylymdarda óristeıdi, al bir mal basynyń táýliktik tutynýy 35 keli shópti quraıdy. ıAǵnı, bir jylǵa bir mal úshin 6,3 tonna shóp kerek. Alaıda, bizdiń kórsetkishimiz 4,6 tonnadan aspaıdy. Osylaısha, bir mal úshin shópke tapshylyq 30 paıyzdy quraıdy», - dedi zań jobasy boıynsha baıandaǵan depýtat Jeksenbaı Dúısebaev.
Onyń sózine qaraǵanda, elimizde aýyl sharýashylyǵy maqsatyndaǵy jerler 220 mıllıon gektar bolsa, onyń 187 mln. gektaryn jaıylym jerleri quraıdy.
