Májiliste jaraqattaıtyn qarý-jaraqty zańnamalyq retteý máseleleri talqylanady
ASTANA. 28 mamyr. QazAqparat - 29 mamyrda Májiliste palata spıkeriniń qatysýymen «Jaraqattaıtyn qarý: zańnamalyq retteý máseleleri» atty taqyrypta dóńgelek ústel ótedi. Jıyndy Májilistiń Zańnama jáne sot-quqyqtyq reforma komıteti uıymdastyrmaq. Bul týraly Májilistiń baspasóz qyzmetinen habarlandy.
Májilis depýtattary aldynda atalǵan másele boıynsha Іshki ister mınıstri Qalmuhanbet Qasymov baıandama jasaıdy dep kútiledi. Budan bólek, dóńgelek ústelde Bas prokýror orynbasary A.Kravchenko, densaýlyq saqtaý vıtse-mınıstri E.Baıjúnisov pen Bilim jáne ǵylym mınıstriniń orynbasary M. Ábenovter baıandama jasaıtyn bolady. Sonymen qatar, depýtattar «Qoramsaq» qarý-jaraq qaýymdastyǵynyń jáne Qazaqstandaǵy kúzetshiler qaýymdastyǵy ókilderiniń de baıandamasyn tyńdaıdy, «Ar» men «Quqyq», Ortalyq Azııadaǵy «Penal Reform International» sekildi qoǵamdyq birlestikteriniń ókilderi sóz sóıleıdi.
