Májiliste jańartylatyn energııa kózderine arnalǵan zań jobasynyń tanystyrylymy ótedi
ASTANA. 15 aqpan. QazAqparat - Erteń, 16 aqpan, beısenbi kúni Májiliste «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha
ózgerister men tolyqtyrýlar engizý týraly» zań jobasynyń tanystyrylymy ótedi.
Zań jobasy jańartylatyn energııa kózderin paıdalanýdy damytýǵa, jańartylatyn energııa kózderin paıdalaný salasyndaǵy jobalardy iske asyrý kezinde áleýetti ınvestorlardy qoldaýǵa, ashyqtyqty jáne aıqyndyqty ulǵaıtýǵa, jańartylatyn energııa kózderin paıdalaný salasyndaǵy jobalardy kedergisiz iske asyrýǵa baǵyttalǵan. Qujatty qabyldaý jańartylatyn energııa kózderin paıdalaný esebinen jańa elektr qýattarynyń iske qosylýyn qamtamasyz etedi. Zań jobasyn qabyldaýda boljanǵan áleýmettik saldarlar jańartylatyn energııa kózderin paıdalana otyryp, ekologııalyq jaǵynan taza energııany óndirýdi damytýda kórinis tabady jáne nátıjesinde halyqtyń ómir súrý sapasyn arttyrýdy, Kıot hattamasy sheńberinde qabyldaǵan mindettemelerge sáıkes Qazaqstan 2020 jylǵa deıin atmosferaǵa parnık gazdarynyń shyǵarym kólemin 15 paıyzǵa qysqartýdy eskere otyryp, josparlaýda.
Boljanǵan quqyqtyq saldarlar jańartylatyn energııa kózderin paıdalanýdy qoldaýdyń quqyqtyq tetikterin qurýdy kórsetedi.
Otyrysta zań jobasynyń maqsaty jóninde QR Indýstrııa jáne jańa tehnologııalar mınıstriniń orynbasary Baqytjan Jaqsalıev baıandama jasaıdy dep kútilýde. Sharany Májilistiń Ekologııa máseleleri jáne tabıǵat paıdalaný komıteti uıymdastyryp otyr. Zań jobasy boıynsha qurylǵan jumys tobyna Májilistiń Ekologııa máseleleri jáne tabıǵat paıdalaný komıtetiniń hatshysy Shavhat Ótemisov jetekshilik jasaıdy.
