Májiliste jańadan saılanǵan depýtattar ant berip jatyr

NUR-SULTAN. QazAqparat – Búgin Parlament Májilisiniń jalpy otyrysynda jańadan saılanǵan depýtattar ant berip jatyr, dep habarlaıdy QazAqparat tilshisi.

«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetin adal atqarýǵa ant etemin», - dedi depýtattar Májilistiń jalpy otyrysynda.

Eske salsaq, 7-shi shaqyrylǵan QR Parlamenti Májilisiniń tolyq quramy belgili boldy. Jańa Májiliste elimizdegi 3 saıası partııa men Qazaqstan halqy Assambleıasynyń kandıdattary mandatqa ıe boldy. QR Parlament Májilisiniń tolyq quramy jasaqtaldy.