Májiliste jalpy otyrystyń kún tártibi bekitildi
ASTANA. QazAqparat - Búgin Palata Spıkeri Nurlan Nyǵmatýlınniń tóraǵalyǵymen Májilistiń Bıýro otyrysy ótip, palatanyń jalpy otyrysynda talqylanatyn máseleler aıqyndaldy, dep habarlaıdy QazAqparat.
Depýtattar qaraýyna Qazaqstan men Reseı elderiniń Úkimetteri arasyndaǵy «Týımazy - Omby - Novosıbırsk-2» jáne «Omby - Pavlodar» magıstraldyq munaı qubyrlaryndaǵy tehnologııalyq munaıdyń mártebesin aıqyndaý týraly kelisimdi ratıfıkatsııalaýǵa baılanysty zań jobasy talqylanbaq.
Sondaı-aq, «Qylmystyq ister boıynsha zattaı dáleldemeler bolyp tabylatyn esirtki quraldaryn, psıhotroptyq zattar men olardyń prekýrsorlaryn, atys qarýyn, onyń negizgi bólikterin, oq-dárilerdi, jarylǵysh zattar men jarǵysh qurylǵylardy berý tártibi týraly hattamany ratıfıkatsııalaý týraly» Zań jobasy usynylady.
Sonymen qatar, kún tártibiniń jobasynda turǵyn úı-kommýnaldyq sharýashylyq máselelerine qatysty zań jobasyn jumysqa alý kózdelgen.
