Májiliste zań jobalary boıynsha qorytyndy ázirleý máselesi qaralady
ASTANA. Qańtardyń 26-sy. QazAqparat - Qańtardyń 27-si kúni Parlament Májilisiniń jalpy otyrysynda depýtattar Úkimetten kelip túsken zań jobalary boıynsha qorytyndy ázirleý máselesin qaraıdy,
dep habarlaıdy QazAqparat.
Jalpy otyrysta «Qazaqstan Respýblıkasynyń Balalardy qorǵaý jáne balany sheteldik asyrap alýǵa qatysty yntymaqtastyq týraly konventsııaǵa qosylýy jáne ony ratıfıkatsııalaýy týraly» zań jobasy jóninde QR Bilim jáne ǵylym mınıstri Janseıit Túımebaev baıandap beredi dep kútilýde. Sondaı-aq Májilistiń Halyqaralyq ister, qorǵanys jáne qaýipsizdik komıtetiniń múshesi Baǵıla Baımaǵambetova jumys tobynda bolǵan talqylaýlar jóninde túsinik beredi.
Sol sekildi «Halyqaralyq eńbek uıymynyń Teńizshilerdiń jeke kýálikteri týraly №185 (qaıta qaralǵan) konventsııasyn ratıfıkatsııalaý týraly» Qazaqstan Respýblıkasy Zańynyń jobasy talqyǵa salynady.
Osy kúni Palata depýtattary «Qazaqstan Respýblıkasy men Qyrǵyz Respýblıkasy arasyndaǵy Odaqtastyq qatynastar týraly 2003 jylǵy 25 jeltoqsandaǵy shartqa ózgerister engizý týraly hattamany ratıfıkatsııalaý týraly» zań jobasyn da talqylaıdy.
