Májiliste Uly Otan soǵysynyń ardagerlerine qurmet kórsetiledi

ASTANA. Sáýirdiń 26-sy. QazAqparat - Búgin Parlamentte el úshin jasalǵan óshpes erlikter men beıbitshilik týraly syr shertiledi, Otan qorǵaýshylardyń qurmetine soǵys jyldarynyń ánderi shyrqalady. Óıtkeni Uly Otan soǵysynyń ardagerleri Májilis úıine keledi. Búgingi urpaqqa beıbit ómir syılaǵan soǵys ardagerlerin Parlament qabyrǵasynda Májilistiń Tóraǵasy Oral Muhamedjanov qarsy alady,

dep habarlaıdy QazAqparat.

Bul júzdesý Uly Jeńistiń 65 jyldyǵy aıasynda ótkeli tur. Baǵdarlamada joǵarǵy ókiletti organnyń ǵımaratymen tanysý, parlamentshilermen birge fotosýretke túsý sekildi is-sharalar qarastyrylǵan. Sonymen qatar Astana qalalyq memlekettik fılormonııasy merekelik kontsert qoıatyny jáne ár ardagerge jalyndy jyldardyń áni arnalatyny josparlanýda.