Májiliste Ulttyq qordan kepildendirilgen transfert týraly qujat qaralady

ASTANA. QazAqparat – Parlament Májilisi Ulttyq qordan 2024 – 2026 jyldarǵa arnalǵan kepildendirilgen transfert jáne respýblıkalyq bıýdjet týraly zań jobalaryn talqylaıdy, dep habarlaıdy QazAqparat tilshisi.

«Qazaqstan Respýblıkasynyń Ulttyq qorynan 2024 – 2026 jyldarǵa arnalǵan kepildendirilgen transfert týraly» jáne «2024 – 2026 jyldarǵa arnalǵan respýblıkalyq bıýdjet týraly» zań jobalary Bıýdjet kodeksine sáıkes ázirlenip, 2023 jyly 31 tamyzda Májiliske Úkimet qaýlylarymen engizildi. Birinshiden, Ulttyq qordan respýblıkalyq bıýdjetke beriletin 2 trln teńge kepildendirilgen transfert somasy aıqyndaldy», - dedi Májilis depýtaty Mádı Takıev palatanyń jalpy otyrysynda.

Onyń aıtýynsha, ekinshi zań jobasy aıasynda 2024 jyly respýblıkalyq bıýdjet túsimderiniń jalpy kólemi 20,4 trln teńge somasyn quraıdy. Sonyń ishinde kirister 16,1 trln teńgege jetýi múmkin.

«Shyǵystar 24 trln teńge somasynda josparlanǵan. 2024 jyly respýblıkalyq bıýdjettiń tapshylyǵy 3,5 trln teńgeni quraýy yqtımal, jalpy ishki ónimge shaqqanda 2,6% deńgeıinde aıqyndaldy. Al 2026 jylǵa qaraı birtindep 2,3% deıin tómendeıdi. Májilistiń Qarjy jáne bıýdjet komıteti atalǵan zań jobalary boıynsha qorytyndy ázirleýge daıyn», - dedi depýtat.