Májiliste Úkimettiń turaqty ekonomıkalyq ósimdi qamtý sharalary talqylanatyn bolady
ASTANA. 1 naýryz. QazAqparat - Dúısenbi, 4 naýryzda Parlament Májilisinde Úkimet saǵaty ótedi dep josparlanýda. Jıyn «Qazaqstan Respýblıkasy Úkimetiniń turaqty ekonomıkalyq ósýdi jáne jumyspen qamtýdy qamtamasyz etý úshin daǵdarysqa den qoıý sharalary» atty taqyryppen ótedi. Bul týraly Májilistiń baspasóz qyzmetinen habarlandy.
Basqosýda negizgi baıandamany Qazaqstan Respýblıkasynyń Ekonomıka jáne bıýdjettik josparlaý mınıstri Erbolat Dosaev jasaıdy dep kútilýde. Budan bólek, mınıstr halyq qalaýlylary tarapynan qoıylǵan saýaldarǵa jaýap beretin bolady.
