Májiliste turmystyq zorlyq-zombylyqqa qatysty zańnamany jetildirý qyzý talqylandy
«Búgin biz osynaý strategııalyq qujattyń «Otbasylyq-demografııalyq saladaǵy jańa saıasat týraly» atty mańyzdy baǵyttarynyń birin talqylamaqpyz. Tolyqtaı alǵanda, Memleket basshysynyń bul saladaǵy jaǵdaıǵa qatysty jarııa etken shynaıy málimetteri ókinishke oraı, jyldan jylǵa nasharlap, ajyrasý sany, balalalarǵa qatysty zorlyq-zombylyq artyp, balasyz juptar sany ulǵaıyp otyr. Sondyqtan Prezıdent bul saladaǵy basty basymdyq retinde memlekettik deńgeıde balalarǵa qamqorlyq dep belgilep berdi. ıAǵnı, balalardyń amandyǵy– bul barlyq memlekettik organdardyń basty mindeti», - dedi mınıstr Prezıdent Joldaýyn talqylaýǵa arnalǵan onlaın dóńgelek ústel otyrysynda.
Onyń atap ótýinshe, bul baǵytta memleket tarapynan naqty jumystar júrgizilip jatyr. Otbasylyq-genderlik saıasat tujyrymdamasy bekitilgen. Úkimet te tıimdi jospar qabyldap otyr. Onda naqtyındıkatorlar, is-sharalar men josparlar kózdelgen.
«Aqparat jáne qoǵamdyq damý mınıstrligi óz kezeginde bıyl reprodýktıvti densaýlyqty saqtaý máseleleri boıynsha konsýltatsııalyq qyzmet kórsetý jónindegi granttyq jobalardy júzege asyrady. Búgin Májiliste otbasylyq-genderlik saıasat jáne turmystyq zorlyq-zombylyqqa qarsy is-qımyl máseleleri boıynsha zańnamany jetildirý jónindegi usynystar qyzý talqylandy», - dedi ol.
