Májiliste turmystyq zorlyq-zombylyqqa qarsy zań jobasy maquldandy

ASTANA. Qarashanyń 11-i. QazAqparat /Qanat Mámetqazyuly/  - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń Keden kodeksine ózgerister men tolyqtyrýlar engizý týraly» zań jobasyna Parlament Senaty engizgen ózgeristerdi talqylap, qujatty qabyldady.

Endi atalǵan zań Memleket Basshysynyń qol qoıýyna jiberiledi, dep habarlaıdy QazAqparat. 

Atalǵan zań jobasy Qazaqstan áıelderiniń 4-forýmynda Memleket basshysy alǵa qoıǵan mindetterdi iske asyrý úshin ári  2006-2016 jyldarǵa arnalǵan Genderlik teńdik strategııasyn oryndaý maqsatynda daıyndalǵan. Zań jobasy turmystyq zorlyq-zombylyq faktilerine qarsy is-qımyl jasaýdyń quqyqtyq sharalar keshenin qamtıdy.

Qujatta otbasylyq-turmystyq qarym-qatynastar salasyndaǵy quqyq buzýshylyqtardyń aldyn alý men jolyn kesýdiń pármendi tetigi usynylǵan. Máselen, turmystyq zorlyq-zombylyqty qaıta jasaǵan azamat sot sheshimimen profılaktıkalyq baqylaýǵa qoıylady. Bundaı sharalar qabyldanbaǵan jaǵdaıda ákimshilik jaýapkershilikke tartý kózdeledi. «Qazirgi ýaqytta otbasylyq-turmystyq qarym-qatynastar salasynda adamnyń jáne azamattyń konstıtýtsııalyq quqyqtaryn, bostandyqtary men múddelerin qorǵaýǵa baǵyttalǵan zańnamanyń qoldanystaǵy normalary júıesinde otbasynda jasalatyn zorlyq-zombylyq faktilerine qarsy is-qımyldyń quqyqtyq negizderi joq. Halyqaralyq tájirıbe kórsetkendeı, otbasylyq-turmystyq salada qalyptasyp otyrǵan qatynastardyń erekshelikteri men aıyrmashylyǵyna baılanysty otbasyndaǵy zorlyq-zombylyqty jeńý úshin ákimshilik nemese qylmystyq jazalardy qoldaný jetkiliksiz», delingen qujatqa qatysty Úkimet bekitken tujyrymdamada.

Májilis maquldaǵan zań jobasy Parlament Senatyna jiberiledi.