Májiliste tótenshe jaǵdaılardyń aldyn alý zańnamasy tanystyryldy
ASTANA. 24 qańtar. QazAqparat - Búgin Parlament Májilisiniń Ekologııa máseleleri jáne tabıǵat paıdalaný komıtetinde «Qazaqstan Respýblıkasynyń keıbir zańnamalyq aktilerine azamattyq qorǵaý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótti.
Atalǵan zań jobasy dúleı apattardyń, avarııalar men qaýipterdiń aldyn alý, azamattyq qorǵanys salasyndaǵy baqylaý jáne ruqsat berý júıelerin jetildirý, tabıǵı jáne tehnogendik qaýipterden saqtandyrýdy damytý jónindegi sharalardyń tıimdiligin arttyrý qajettiginen jasalǵan. Tótenshe jaǵdaılar mınıstri Vladımır Bojkonyń aıtýynsha, zań jobasyna sáıkes, Qazaqstan Respýblıkasynyń tótenshe jaǵdaılardyń aldyn alý men olardy joıý memlekettik júıesi men Azamattyq qorǵanys júıesiniń qyzmetinde on jyldan astam ýaqyt boıy áleýmettik- saıası ózgerister boldy. Osyǵan baılanysty «Azamattyq qorǵaý týraly» zań sheńberinde respýblıka halqyn, obektilerin jáne aýmaǵyn tabıǵı jáne tehnogendik sıpattaǵy tótenshi jaǵdaılardan, qázirgi zaqym keltirý quraldarynan jáne terrorıstik aktiler saldarynan qorǵaý, olardyń aldyn alý jáne olardy joıý úshin kúshter men quraldardy damytý salasyndaǵy biryńǵaı normatıvtik quqyqtyq akt jasaldy. Oǵan qosymsha 8 zań jobasy men 18 Zańǵa ilespe tolyqtyrýlar ázirlendi. Zań jobasynyń jumys tobyna depýtat, Ekologııa máseleleri jáne tabıǵat paıdalaný komıtetiniń múshesi Anatolıı Pepenın jetekshilikke bekitildi.
