Májiliste Tótenshe jaǵdaılar mınıstrliginiń qyzmeti qaralady
ASTANA. 8 mamyr. QazAqparat - Aldaǵy aptanyń dúısenbisi, 13 mamyrda Májilistiń otyrys zalynda Úkimet saǵatyn ótkizý josparlanyp otyr. Onda Qazaqstan Respýblıkasy Tótenshe jaǵdaılar mınıstrliginiń tótenshe jaǵdaılardyń aldyn alý jáne olardy joıý salasyndaǵy 2012 jylǵy jáne 2013 jyldyń 1 toqsanyndaǵy qyzmetiniń qorytyndylary talqylanatyn bolady. Bul týraly Májilistiń baspasóz qyzmetinen habarlandy.
Úkimet saǵaty aıasynda Qazaqstan Respýblıkasynyń Tótenshe jaǵdaılar mınıstri Vladımır Bajko baıandama jasaıdy dep kútiledi. Budan bólek, mınıstr depýtattardyń suraqtaryna, halyq qalaýlylary kótergen máselelerge jaýap beretin bolady.
