Májiliste TMD elderindegi eńbekshi-mıgranttar máselesi qaralady
ASTANA. Qarashanyń 2-si. QazAqparat /Aıdyn Báımen/. Qarashanyń 3-i kúni ótetin Májilistiń Halyqaralyq ister, qorǵanys jáne qaýipsizdik komıtetiniń otyrysy ótedi. Onda birqatar zań jobalary talqyǵa salynady.
Atap aıtqanda, TMD elderindegi eńbekshi-mıgranttar men olardyń otbasy músheleriniń quqyqtyq mártebesi sóz bolmaq. Bul másele «Táýelsiz Memleketter Dostastyǵyna qatysýshy memleketterdiń eńbekshi-mıgranttary men olardyń otbasy músheleriniń quqyqtyq mártebesi týraly konventsııany ratıfıkatsııalaý týraly» zań jobasynda qarastyrylyp otyr, dep
habarlaıdy QazAqparat.
Sol sekildi osy otyrysta «Órt qaýipsizdigi týraly» Qazaqstan Respýblıkasynyń Zańyna Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaý júıesin qurý boıynsha ózgeris pen tolyqtyrýlar engizý týraly» zań jobasy qaralmaqshy.
Osy jobalar jóninde birqatar mınıstrlikterdiń ókilderi baıandama jasaıdy dep kútilip otyr.
Sonymen birge «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń «elektrondyq úkimetin» damytý máseleleri boıynsha ózgerister pen tolyqtyrýlar engizý týraly» zań jobasy, «Sporttaǵy dopıngke qarsy kúres týraly halyqaralyq konventsııany ratıfıkatsııalaý týraly» Qazaqstan Respýblıkasy Zańynyń jobasyna Qazaqstan Respýblıkasy Parlamentiniń Senaty engizgen ózgeristeri qaralady.
