Májiliste temekimen kúresýdiń jańa tásilderi talqyǵa salynady
ASTANA. Mamyrdyń 12-si. QazAqparat - Erteń, mamyrdyń 13-i kúni Parlament Májilisinde «Qazaqstan zańnamasyn Dúnıejúzilik densaýlyq saqtaý uıymynyń temekige qarsy kúres jónindegi negizdemelik konventsııasyna sáıkes úılestirý» degen taqyryp boıynsha dóńgelek ústel ótedi,
dep habarlaıdy QazAqparat.
Májilistiń Áleýmettik-mádenı damý komıtetiniń múshesi Gúlnár Seıitmaǵanbetovanyń aıtýynsha, temekige qarsy kúreste zań qabyldaýda Qazaqstan TMD elderiniń aldynda tur. 2004 jyly qazaq eli Dúnıejúzilik Densaýlyq saqtaý uıymynyń temekige qarsy kúres jónindegi negizdemelik konventsııasyna qosylatynyn málimdedi.
«2006 jyly Parlament atalǵan konventsııany zań túrinde bekitti. Sonyń negizinde birqatar zańdarǵa túzetýler engizildi. «Jarnama týraly» zańǵa temeki ónimderin jarnamalaýǵa qatań tyıym salynatyny jóninde zańdyq norma qosyldy. Odan keıin «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksi qabyldandy. Onda temekige qarsy kúresý jónindegi atalmysh konventsııanyń baptaryn oryndaý baǵytynda 159-shy bapty qabyldadyq»,- dedi depýtatGúlnár Seıitmaǵanbetova.
Dóńgelek ústelde aldaǵy ýaqytta qandaı zańnamalyq ózgerister engizilýi tıis ekendigi jóninde másele qaralady.
