Májiliste tekserý men ruqsat berýge qatysty eki zań jobasynyń tanystyrylymy ótedi
ASTANA. Qyrkúıektiń 13-i. QazAqparat - Qyrkúıektiń 14-i, seısenbi kúni, Májiliste eki zań jobasynyń tanystyrylymy ótedi. Bul sharany Májilistiń Ekonomıkalyq reforma jáne óńirlik damý komıteti uıymdastyryp otyr, dep habarlaıdy Májilistiń baspasóz qyzmeti.
Osyǵan oraı QR Ekonomıkalyq damý jáne saýda mınıstriniń orynbasary Marat Qusaıynov tanystyratyn birinshi zań jobasynyń ataýy - «Qazaqstan Respýblıkasynyń keıbir zańnamalyq aktilerine ýákiletti memlekettik organdar men Qazaqstan Respýblıkasy Úkimetiniń tekseriletin sýbektilerge qoıylatyn talaptardy belgileıtin normatıvtik quqyqtyq aktilerdi qabyldaý quzyretterin qaıta qaraý máseleleri boıynsha ózgerister men tolyqtyrýlar engizý týraly».
Sonymen qatar osy kúni «Qazaqstan Respýblıkasynyń keıbir zańnamalyq aktilerine ruqsat berý júıesin jetildirý máseleleri boıynsha ózgerister men tolyqtyrýlar engizý týraly» zań jobasynyń mazmuny da depýtattarǵa tanystyrylady.
Osy zań jobasy boıynsha qurylǵan jumys tobyna Májilistiń Ekonomıkalyq reforma jáne óńirlik damý komıtetiniń múshesi Aıgúl Soloveva jetekshilik jasaıdy.
